Sunday 5 August 2012

புலிப்பாணி ஜோதிடம் 300 - பாடல் 85


பாரப்பா இன்னுமொன்று பகரக்கேளு
பலமுள்ள அட்டமனு மட்டமத்தில்
கூறப்பா குழவிக்கு ஆண்டுநூறு
கொற்றவனே சத்துருவும் கூடிநோக்க
ஆரப்பா அயன் விதியும் அற்பமாகும்.
அம்புலியும் உச்சகேந் திரத்தில் நிற்க
சீரப்பா ஜென்மனுமே அம்பதுக்குள்
சிவலோகஞ் சேர்வனென்று தெளிந்துசெப்பே.


இன்னுமொரு நிலைமையும் உனக்குச் சொல்கிறேன். இதனையும் நன்கு உணர்வாயாக. இலக்கினத்திற்கு அட்டமாதிபத்தியம் பெற்ற கிரகமானது அட்டமத்தில் ஆச்சி பெறுமானால் அச்சென்மனுக்கு ஆயுள் நூறாகும். அதே சமயம் சத்துரு கிரகங் கூடி அட்டமாதிபதியைப் பார்ப்பின் அவன் விதி அற்பமானதேயாகும். சந்திரன் தனது உச்ச வீடான ரிஷபத்திலோ அல்லது அதேபோல இலக்கின கேந்திரமானதாக இருப்பின் அச்சென்மன் ஐம்பது அகவைக்குள் சிவலோகம் சேர்வான் என்று ஏனைய கிரக பலங்களையும் நன்கு ஆராய்ந்து கூறுவாயாக.

No comments:

Post a Comment